Bk heesta jawharad
Bk heesta jawharad oo ah hees jacayl ah oo soo baxday sanadkan 2016-2017 waxay ka mid tahay heesaha maxamed siciid bk
HEES CUSUB: JAWHARAD
ERAYADA: XASAN DAAHIR WEEDHSAME
LAXANKA: QAASIM
MUSIC BY: USTAAD CAAMIR
LYRICS:
Qof ku rabay ka jeedsiyo
Maba gayo ku joogsiye
Jamashadu badhaadhiyo
Waxay tahay Jannoo kale
Qof ku Jecel adoo Jecel;
Aniguna Jalleecada,
Geestaad iga Jirtaabay,
Indhahaygu Jirayaan,
Iga Dhaari Jiifkana,
Qof Jirrani ma seexdee;
'Sow Jawhradaydaay,
Jiidhkayga kuma tabo,
Jeexaygii Midigeey,
Ima helin Jir-boholyow'.
Ubax Jaadba Jaad-daan,
Bogga kuugu joojoo,
Jago waxaad ku leedahay,
Meel aan hortaa jire,
Wali Jaanta soo dhigin;
Wadnahaa Jalbeebtiyo
Jasiisada codkaagoo,
Qalbi kuu Jaxaasmoo,
Niyad kuu Jil-jilicdaan,
Jaaha ku dhayayaa;
Sow Jawhradaydaay,
Jiidhkayga kuma tabo,
Jeexaygii Midigeey,
Ima helin Jir-boholyow.
